Foto: Shutterstock

Ne mbajmë në mend njerëzit të cilët tregojnë histori sepse, siç na tregojnë psikologët, tregimet formojnë bazën se si mendojmë, organizojmë dhe mbajmë në mend informacionet. Tregimet gjithashtu mund të lëvizin njerëzit emocionalisht dhe t’i motivojnë ata për të blerë.

Mund të befasoheni kur të mësoni se nuk ka të bëjë me tregimin e historisë së kompanisë tuaj. Në prezantime të bazuara në tregime, konsumatori i shënjestruar është gjithmonë protagonisti.

Bëni konsumatorin heroin e tregimit tuaj, me ju thjeshtë duke luajtur një rol në tregimin e konsumatorit tuaj dhe ju do të fitoni reagimin e dëshiruar nga audienca juaj, të mbaheni në mend dhe të krijoni angazhim më të thellë dhe shitje.

Protagonisti i një tregimi duhet të jetë dikush me të cilin mund të lidhemi, të interesohemi për të dhe të dëshirojmë t’a shohim duke arritur sukses.

Këtu janë tri kriteret e para që të zgjedhni rastet tuaja më të mira të studimit për të angazhuar audiencën tuaj:

  1. Gjeni një tregim i cili përshtatet.

Ka një gjë që duhet të bëni për të gjetur tregimet më të mira për prezantimin tuaj: Ju duhet të bëni kërkimet tuaja. Kur kaloni kohë për të bërë kërkimet tuaja, ju do t’a dini se cilat tregime do të jenë më tërheqëse dhe të cilat lidhen me audiencën tuaj.

Kërkimet tuaja duhet të përfshijnë një studim të prapavijës dhe nevojave të audiencës. Ju mund të pyesni mbajtësin e ngjarjes, ose mund të vlerësoni ngjarjet e vitit të kaluar për të parë profilin e pjesëmarrësve. Një këshillë e mirë është të kërkoni ‘’hashtags’’ të vjetër nga ngjarjet e kaluara për të parë llojin e njerëzve të cilët do të ndjekin prezantimin tuaj.

  1. Përkrahni shumëllojshmërinë përderisa qëndroni të lidhur.

Analizoni ngjarjen për të zbuluar se kush janë folësit tjerë dhe për të kuptuar mirë se kush janë kompanitë dhe organizuesit. Facebook dhe LinkedIn janë vende të mrekullueshme për të bërë këto kërkime që të ndërtoni profile të audiencës të cilat ju ndihmojnë të gjeni tregime të cilat lidhen me ta. Nëse do ju duhet të flisni me një grup të grave, gjeni tregime të lidhura me gra; nëse duhet të flisni me doktorë, gjeni raste studimi për doktorët ose dentistët.

Ju dëshironi të dukeni të lidhur me audiencën tuaj në mënyrën sa më të mirë. Mendoni në perspektivën e tyre, sjellni tregime të cilat i japin mundësi audiencës tuaj të ecë krah për krah me personin brenda rastit të studimit. Tregimi i historive të cilat përkrahin shumëllojshmëri i jep vlefshmëri prezantimit tuaj. Ka të bëjë me maksimizimin e mundësisë tuaj duke qëndruar sa më i lidhur që mundeni me audiencat të cilat janë meshkuj ose femra, të rinj ose të vjetër, ose nga kombe dhe raca të ndryshme.

  1. Dërgoni ata në një rrugëtim transformues.

Njerëzve iu pëlqen një tregim i humbësit, ka një magji në rezultatet transformuese. Rasti juaj i studimit duhet të jetë i orientuar në rezultate sepse në fund të ditës, oferta juaj ofron strategji për t’i dërguar ata nga pika A në pikën B në mënyrë të suksesshme.

Nuk mund të quhet një rast studimi nëse nuk mund të identifikoni ndryshimet transformuese prej ku ka filluar klienti në atë ku është sot, e cila duhet të jetë vendi ku edhe audienca juaj duhet të jetë. Kriteret e rezultateve transformuese në një rast studimi janë të rëndësishme sepse i japin mundësi audiencës të shohin mundësitë të cilat janë në dispozicion për ta. Ata mund të lidhen me fillimin e një rrugëtimi të vështirë por të fitojnë shpresë duke e ditur se rezultatet e mrekullueshme po i presin në fund të rrugës.

Unë së fundmi u ula me Ron Sheetz, një strateg marketingu, i cili kalon një pjesë të madhe të kohës së tij duke punuar me profesionistë dhe krijuesin e ‘’Transfer of Trust Triangle’’, për të diskutuar ‘’rrugëtimin’’.

Sheetz thotë, ‘’Njerëzit mund të identifikojnë dëshmitë instiktivisht, e cila, në një format tradicional, nuk e tregon shkakun. Një mënyrë më e mirë për të krijuar raport, besim dhe për të dërguar audiencën në një rrugëtim është duke zbuluar problemet e kandidatit. Udhëzoni ata me pyetje specifike të lidhura me sfidat e përbashkëta dhe tregoni se si t’i tejkalojnë ato’’.

Ai gjithashtu ndau formulën e tij me tri pjesë për të kapur dëshmitë më efikase nga klientët dhe pacientët:

  1. Më trego se si ishin përvojat tua para se të vije tek ne.
  2. Çfarë të motivoi të vish tek ne? Cila ishte ajo gjë e cila na bëri ndryshe?
  3. Cilat ishin rezultatet, dhe tani si ndihesh, ose çfarë rezultet po merr?

Dustin Mathews

Dustin Mathews është një tregtar i njohur për aftësinë e tij unike për të transformuar bizneset dhe markat dhe bashkë-autori i No B.S. Guide to Powerful Presentations me Dan S. Kennedy( Entrepreneur Press 2017). Ai drejton Speaking Empire, një kompani në hapësirën e edukimit dhe trajnim të udhëheqjes.